Shree Sharda Chalisa In Hindi
। । दोहा । ।
मूर्ति स्वयंभू शारदा , मैहर आन विराज । ।
माला , पुस्तक , धारिणी , वीणा कर में साज । ।
॥ चौपाई ॥
जय जय जय शारदा महारानी , आदि शक्ति तुम जग कल्याणी ।
रूप चतुर्भुज तुम्हरो माता , तीन लोक महं तुम विख्याता ।
दो सहस्त्र बर्षहि अनुमाना , प्रगट भई शारद जग जाना ।
मैहर नगर विश्व विख्याता , जहां बैठी शारद जग माता ।
त्रिकूट पर्वत शारदा वासा , मैहर नगरी परम प्रकाशा ।
शरद इन्दु सम बदन तुम्हारो , रूप चतुर्भुज अतिशय प्यारो । ।
कोटि सूर्य सम तन द्युति पावन , राज हंस तुम्हारो शचि वाहन । ।
कानन कुण्डल लोल सुहावहि , उरमणि भाल अनूप दिखावहिं ।
वीणा पुस्तक अभय धारिणी , जगत्मातु तुम जग विहारिणी ।
ब्रह्म सुता अखंड अनूपा , शारद गुण गावत सुरभूपा ।
हरिहर करहिं शारदा बन्दन , बरुण कुबेर करहिं अभिनन्दन । ।
शारद रूप चण्डी अवतारा , चण्ड - मुण्ड असुरन संहारा ।
महिषासुर बध कीन्हि भवानी , दुर्गा बन शारद कल्याणी ।
धरा रूप शारद भई चण्डी , रक्तबीज काटा रण मुण्डी ।
तुलसी सूर्य आदि विद्वाना , शारद सुयश सदैव बखाना ।
कालिदास भए अति विख्याता , तुम्हारी दया शारदा माता ।
वाल्मीक नारद मुनि देवा , पुनि - पुनि करहिं शारदा सेवा । ।
चरण - शरण देवहु जग माया , सब जग व्यापहिं शारद माया ।
अणु - परमाणु शारदा वासा , परम शक्तिमय परम प्रकाशा ।
हे शारद तुम ब्रह्म स्वरूपा , शिव विरंचि पूजहिं नर भूपा ।
ब्रह्म शक्ति नहि एकउ भेदा , शारद के गुण गावहिं वेदा । ।
जय जग बन्दनि विश्व स्वरूपा , निर्गुण - सगुण शारदहिं रूपा ।
सुमिरहु शारद नाम अखंडा , व्यापइ नहिं कलिकाल प्रचण्डा ।
सूर्य चन्द्र नभ मण्डल तारे , शारद कृपा चमकते सारे ।
उद्धव स्थिति प्रलय कारिणी , बन्दउ शारद जगत तारिणी ।
दुःख दरिद्र सब जाहिं नसाई , तुम्हारी कृपा शारदा माई ।
परम पुनीति जगत अधारा , मातु शारदा ज्ञान तुम्हारा ।
विद्या बुद्धि मिलहिं सुखदानी , जय जय जय शारदा भवानी ।
शारदा पूजन जो जन करहीं , निश्चय ते भव सागर तरहीं ।
शारद कृपा मिलहिं शुचि ज्ञाना , होई सकल विधि अति कल्याणा ।
जग के विषय महा दुःख दाई , भजहुँ शारदा अति सुख पाई ।
परम प्रकाश शारदा तोरा , दिव्य किरण देवहुँ मम ओरा ।
परमानन्द मगन मन होई , मातु शारदा सुमिरई जोई ।
चित्त शान्त होवहिं जप ध्याना , भजहुँ शारदा होवहिं जाना ।
रचना रचित शारदा केरी , पाठ करहिं भव छटई फेरी ।
सत् - सत् नमन पढ़िये धरि ध्याना , शारद मातु करहिं कल्याणा ।
शारदे महिमा को जग जाना , नेति - नेति कह वेद बखाना । ।
सत् - सत् नमन शारदा तोरा , कृपा दृष्टि कीजै मम ओरा ।
जो जन सेवा करहिं तुम्हारी , तिन कहँ कतहुँ नाहि दुःखभारी ।
जो यह पाठ करे चालीसा , मातु शारदा देहुँ आशीषा ।
॥ दोहा ॥
बन्दउँ शारद चरण रज , भक्ति ज्ञान मोहि देहुँ । ।
सकल अविद्या दूर कर , सदा बसहु उरगेहुँ ।
जय - जय माई शारदा , मैहर तेरौ धाम ।
शरण मातु मोहिं लीजिए , तोहि भजहुँ निष्काम । ।
Post a Comment